Tuesday, September 7, 2010

تصویرِ ہمدرداں - تعارف


 ہم جامعہ کراچی سے طبیعات میں ڈگری حاصل کرنے کےبعد قریبا ایک سال اپنے شعبہ میں عارضی طور پر پڑھاتے رہے اور سال کے آخر میں ہمدرد پبلک اسکول و کالج میں لیکچرار ہو گئے۔ یہاں ہمارا قیام پونے آٹھ برس کا تھا، ہر سال لگ بھگ سو کے قریب طلبہ و طالبات کو پڑھاتے تھے اور مجموعی طور پر نہم، دہم، یازدہم اور دوازدہم کے تمام ہی طلبہ سے بخوبی واقف رہتے تھے یوں طلبہ و طالبات کی ایک طویل فوج سے روابط رہے۔ آج ماشاءاللہ ان میں سے بہت سے بال بچے دار ہو چکے ہیں اور پوری دنیا میں پھیل چکے ہیں۔

ہمدرد کا نام ذہن میں آتے ہی حکیم برادران کا خیال آتا ہے۔ حکیم محمد سعید المعروف شہید پاکستان کے ذکر کے بغیر اس ادارے کا تذکرہ نا مکمل رہے گا۔ ان کی بصارت و بصیرت پر قلم اٹھانا بجا طور پر سورج کو چراغ دکھانے کے مترادف ہے۔ پرانی اقوام پیغمبروں کو قتل کردیا کرتی تھیں اور ہم نے اس روایت کو برقرار رکھتے ہوئے محسنِ وطن کو موت کی وادی میں پہنچا دیا۔ انکی شہادت کے دن ہمدرد میں شاید ہی کوئی بچہ ایسا ہو گا جس نے خود کو یتیم تصور نہ کیا ہو، ہماری بد قسمتی کہ ہم ان کی شہادت کے بعد ہمدرد میں شامل ہوئے۔

تصویرِ ہمدرداں میں ہم ان گزرے ماہ و سال  کی یاد داشتوں کو تازہ کریں گے اور یہ بلاگ ان تمام کرداروں کے نام کرتے ہیں جو ہمدرد سے کسی نہ کسی طور وابستہ ہیں چاہے وہ کینٹین میں اسلم کا کردار ہو یا سپر وائزر لقمان کا، مسز گلزار ہوں یا محترمہ سعدیہ راشد، اس ادارے کا اولین طالبِعلم ہو یا موجودہ یا آئندہ آنے والا۔ اور ظاہر ہے کہ ان سب کا تعلق براہِ راست حکیم محمد سعید سے جا ملتا ہے تو ان کے درجات کی بلندی 
کیلئے دعا کی درخواست کی جاتی ہے۔
اگلہ حصہ یہاں پڑھیں-

11 comments:

  1. bohat khoob ! agle hisse ka intezaar hai .

    ReplyDelete
  2. maagar aap ney hamari class ko jo k 2000 mein matric kar key nikli thi....parhaya hi nahin. hamara section larkion ka tha.....aur aap jantey hey hamdard aur us k rules.......cool male teachers were never allowed to teach us:Plekin Sir Khalid aur un key baad Sir Ehsan they zabardast. Merey favourite Sir Saleh.
    Cant wait to read ur blogs.

    Shireen

    ReplyDelete
  3. @Shireen: thx for your comment, haan main nay nahi perhaya u ki class ko, and lemme tell u that the rules were changed, yeh jo first comment hai this is from XA girl and I taught them and u may ask her k kya aur kaisa perha tha aik so called COOL teacher nay girls section main.
    Baaqi Sir Khalid k to hum bhi fan hain aur Sualeh to hamarey pakkey dost hain, but I dont remember Sir Ehsan :S

    ReplyDelete
  4. wow..sir ek sath pura blog likh diya karen! intizar nahi hota next partt kaa!! ;)

    ReplyDelete
  5. sir aap to waqai main porani yaadain taza ker din. rahay hakim sahab to un ke liye to jub bhi zikar aata hai , dil se dua nikalti hai.

    ReplyDelete
  6. great to read this blog...I was passed out in 97, u taught us physics in Intermediate 2nd year...miss my school a lot..

    ReplyDelete
  7. Assalam o Alikum sir, bohut khoob aap ke andaz-e-bayan ne hamari yadoon ko or rangeen ker diya he agli qist ka beicheini se intezar rahey ga. aap ka shagird Ali Muneer Farooqui batch 2000

    ReplyDelete
  8. @Ali: Thank for liking and commenting; bhai agli qist aa bhi chuki and your brother has commented there already :D

    ReplyDelete